最新財經一站通

免責聲明: 股票市場的價格可升亦可跌,投資者必需在投資前認清投資所帶來的風險。本文乃小弟之愚見,並不構成對任何股票買賣的要約、誘使等企圖。一切資料只供參考,如對任何因信賴或參考有關內容所導致的損失,概不負責。如對任何因信賴或參考有關內容所導致的利潤, 而能力所及, 請撥出一部份給慈善機構, 讓有需要的人分享你的喜悅

歡迎指教, 本人的電郵地址thomaswu0530@yahoo.com.hk但我更希望各位在網誌中留言
歡迎各位按下"寶貴意見"留言或提問, 本人必定回答
本人建議直接按此觀看以上editgrid. 你還有機會和網友直接"談股論市", 互相交流意見.
如果各位網友用Firefox 來開啟上述試算表會更暢順, Firefox 下載連結請按
本人新開論壇: 牛熊大戰, 歡迎登入發表意見

請各位網友點擊以下廣告, 支持 ~銘~記blog, 感謝!

2007年6月29日星期五

七月期指

七月期指好淡倉已經積累了超過130,000張, 七月市, 有可能大升大跌, 是否會先大升後大跌?......無人知......
7字尾總會有股災? 如果有, 接下來的8~10月就是最大機會發生.....

2007年6月27日星期三

6月27日行動檢討

買賣策略: 如果即月期指報21,500 就會反倉轉做下月期指好倉

市況: 預期今日市況向淡, 回補裂口. 但出乎意料午市在中國股市反彈下出現強勁買盤, 並非發生在明天. 即月期指今日最低為21,570. 距離目標70點. 追做好倉過夜風險太大, 計劃告吹

檢討: --

且看明天可否收市在22,000樓上.

6月27日早市

今早都係決定即月期貨, 唔好咁快轉去7月期貨.
我講過21,500就過夜, 咁即係我睇淡今日既市況, 當然做淡倉la~
一朝早跌左166點, 再跌多137點就要反倉
不過我e+先留意到, 究竟我自己係指現貨恒指低過21,500? or指即月期指? or 指下月期指??
即月期指仲有3日都可以有30點高水.....下月期指高水100點......
等我講清楚我的行動la:
如果即月期指報21,500 我就會反倉轉做下月期指好倉

2007年6月26日星期二

資金力頂大市

外圍充斥著不利因素, 恒指國企簡直當壞消息無度, 期指下月未平倉合約不停上升, 看來七月市況, 起碼七月上旬, 都應該不錯~~
點解外圍所有不利消息港股都聽不進耳?
五行三保及中資股起動後, 再由恒指成份股, 尤其是中移動帶領向上衝過了21,000點大關. 我原先估計中移動同匯豐會接棒繼續上, 除了中移動有個尚還可以的升勢外, 匯豐跟本沒有發力. 中移90蚊匯豐150蚊可能係下個月已經破位! 明天星期三繼續跌, 星期四一口氣衝過22,000結算~ 是否如此就等多幾日由市場話個答案俾我知
中移90蚊匯豐150蚊, 絕不是這次牛市最高位~~

當然要小心大戶怖署, 外圍壞消息已經足夠的多, 只要恒指升得足夠高, 就會有足夠的點數讓大戶從跌市賺錢.........無論如何 如果明天下試21500就期指過夜

2007年6月25日星期一

等"小回"

港股的走勢可說是非常好, 上星期五無視中國上證指數當日的3%跌幅以及美股回軟, 一口氣升抵22000 (四叔所指會沽貨的價位!! 只差0.09點就企穩, 期貨高水) 但明天市況可能會低開超過 150 點, 最後單日跌過 300 點, 當然, 都只不過是可能.....
始終已經用六日時間升左1400點有多, 這個星期期指結算, 一定上上落落, 淡倉唔想輸到入肉, 好倉亦不在意一天半天的跌市, 或者可能已經預左有跌市, 當然在單邊升市一日高過一日好似好正常, 但我不會覺得明天跌300點係無可能
明天國企的轉變點數應該和恒指相似
最後都係個句, 如果連大市既市況升跌都估到, 不如去做神仙, 所以千萬將我亂咁估的情況當真

2007年6月18日星期一

這個星期展望

今個星期創新高可能係必然, 依我看一定是大漲小回格, 應該可以企係21000樓上
今星期市況. 一字記之曰: 升

2007年6月14日星期四

美股反彈

美股在成交配合下差d企係13,500收市. 但今星期是美股四重結算, 相信下星期市況就會明朗化
恒指亦高開超過150點, 如果未平倉合約可以顯著增加, 六月向好的機會大增

2007年6月13日星期三

不要只看恒指升勢

美國三十年國庫債券升至三年新高, 反而美股沒有甚麼反應.....
更令人拍案叫絕的是, 6月12日即月期指未平倉合約 / 淨值為 116,447 (張) 及 38,963, 淨值較前日大幅減少 2,879 張! 四萬餘張成交已經調走左差不多三千張, 還可以保持恒指不跌 ; h股即月期指為89,618 / 39,884, 淨值較前日減少 1,887張
連續兩天大市升市而過夜倉減少, 果然大戶沽貨越沽越高~ 今天期指操作時還以為有大戶支持, 淡友好似唔見晒咁.....
以上情況未得到改善, 大市持續向淡! 亦不會有機會上試高位.......
安全起見, 明天有可能沽洛鉬

2007年6月12日星期二

訊息爆炸的時代

* 上星期的加息憂慮又好似一掃而空 (雖然一直一次半次加減息對股市的影響可為短期, 但只得一天好像又短得過份)
* 美國債券孳息上升, 但聯邦聯儲局加息的話會加重美國樓市負擔, 不過美國樓市卻又多了一重陰影.....
* 摩根士丹利歐洲股票策略主管德累斯瑪(Teun Draaisma)稱,目前歐洲股市已亮起3個沽售訊號,包括股票估值偏貴、經濟增長及通脹呈風險,更直言這是自科網泡沫爆破後,首次全面亮起這三大警號,現建議其客戶開始大幅減少投資股票
* 港元拆息從高位回落, 近來沒有大型新股上市, 資金有機會重新流入香港. 但問題是, 為何在加息潮, 日元低企的情況下, 全球股市相繼步入調整?
* 龐大游資源頭自美國及日本實施的寬鬆貨幣政策。而這龐大的資金終有收縮及消失的一天, 日本有可能會在今年內加息, 要小心利差拆倉的可能性, 足夠觸發小股災
* 格林斯潘已身為PIMCO的顧問,而PIMCO又是全球最大的債券基金公司,即格老每一言每一語都有機會影響數以千億美元計的投資資金動向
* 美國星期四就公佈修訂後的第一季GDP, 看看會否又是向下修訂.....
* 全球投資氣氛睇美股走勢, 今個星期美股四重結算, 看看美股可否力守50天平均線 (約13,100, 上移中)
* 上海綜合又彈番去4000, 中國即將公怖五月的居民消費價格指數, 如果遠超過3.5%, 又會觸動央行 (以及中國股民) 的神經

* 國壽認購證已連續11天出現資金淨流入,金額約有4億6千萬元。同期國壽認沽證則錄得近1千2百萬元資金流走。
* 明天又賣地, 會否下午又來跌市呢? 今天觀望味濃, 低成交下的升市沒有實質意義
* 月初即月期指未平倉合約124,646張, 淨值44,698. 到了上週未, 未平倉合約只餘下121,139, 淨值42,010.
* 月初即月國企指數未平倉合約90,399張, 淨值43,872. 今天未平倉合約有92,476張, 但淨值跌至41,782.

雖然看好港股, 但頂背馳信號不得不留神. 跌穿20000點就會形成高位頭肩頂. 有些東西在變化中......
阻力位 20731 / 21088
支持位 20420 / 20268 (今個星期應該會再考驗支持位的承接能力)

2007年6月10日星期日

踏入六月中旬

已跌至支持區, 雖然美市向好, 不排除這星期還有一跌才向上
恒指收市不低於二萬繼續向好看
(待續)

2007年6月8日星期五

應升不升 應跌不跌

今天差d俾夾死!!
之前QDII只升一天就回落, 今天利淡消息卻來一個即市填補裂口
只好引用陸羽仁的名言作結: 股市應升不升,應跌不跌,必有景轟。

2007年6月6日星期三

唔炒期指炒國企即月期指

今天開市, 做了兩件很不智的事, 檢討後好似太隨心所欲, 太受自己情緒牽制

開市前留意到這星期初期指不停上升, 但未平倉合約背馳, 加上美市回吐, 中國股市又未跌停, 不少利淡消息. 但看著電腦竟然見到國企跌都唔跌一下, 於是腦都唔用開市無來即時係國企即月期指做淡......首先, 我未曾試過掂國企即月期指, 不應冒險做d咁不智既事......
加上其實期指實在不宜逆市而行, 雖然我鼓吹六月上旬跌市, 但這不一定是事實, 大市有權大升, 尤其是國企, 中國有好消息又會一飛沖天, 好宜俾人夾死......結果, 整個朝早都是捱價, 下午才比較好些.......不智中之大幸~~

今天第一天全日收高於我所謂之阻力區10MA 20MA (現在為20623~20737), 但我仍然認為六月上旬需要下試50MA 100MA (現在為20484~20237), 繼續固執~~
期指高水情況減少, 可能是小插水的預警
今天是大悶市!~

2007年6月5日星期二

六月初的市況

雖然中國市況仍然受加稅所影響, 但應該在六月上旬喘定...... 而期貨市場又真的大致高水, 但恒指則有很強的抗跌能力, 反而反覆向上, 距離我所指的支持區差不多450點了~
恒指成交暢旺, 亦在各移動平均線之上, 維持今個月中後向好的睇法~

2007年6月2日星期六

六月市況

五月股市總算沒有發生股災, 反而有輕微的進帳 (QDII 四個英文字母已經足夠恒指升400幾點) ......希望六月時港股會由消息市變番做資金市, 否則真係好難玩. 隨著星期三籍期指結算及中國加稅試底, 發覺20200~20400點有唔錯支持後, 在大成交情況下反彈至十日線二十日線的20740~20653的阻力區前... 六月市況會如何呢?

如果從理性角度睇, 中國股票市場加稅後, 中國股民理認會更埋知去投資, 泡沬可能可以以減輕一些. A股調整可能會拖累六月第一週的恒指表現. 如果我所說的竟然是對的話, 六月上旬恒指應該會再去到20200~20400的支持區, 不過即月期指會繼續高水 (現在期指高水137點, 星期五全日期指都係大致維持六十點高水). 如果以上情況真的發生, 六月餘下旳時間應該不錯, 只要資金繼續流入, 期指理認維持高水, 21088.86是歷史高位, 久攻必破!
我好似好少睇好後市, 其實一個月內發生的事多到數之不盡, 估到六月的大勢可說一D都唔易. 如果連六月市況的起伏都估得中, 仲要用理性角度睇非理性股票市場, 一言以敝之, 無可能! 所以不用對我所講既野認真

投資經驗只得數個月, 最輸蝕的地方係無大跌市的經歷 (大升市的經歷不重要), 所以我就從期貨市場儲經驗. 期貨市場, 因為有槓桿效應, 加上可以做好做淡, 有時不用一天, 半小時內已知勝負. 在期指的世界內, 總會經歷到不同的市況, 可以突然間整個趨勢對我的POSITION來說變得非常不利, 又有時會因為POSITION影響我對後市的預測, 希望這些對我將來應付熊市略有幫助.......在衍生工具中, 心理因素會大大影響投資 (投機?) 的成效, 我在努力嘗試調整自己的心理. 加上有好機會的話, 可以嘗試持倉過夜, 相信又是一個不錯的經歷~

請各位網友點擊以下廣告, 支持 ~銘~記blog, 感謝!