七月回顧檢討 + 下星期市況

其實七月我實在太過早睇淡後市. 七月的絕大部份時間由好友控制而非上落市. 最重要從實戰中盡快取得經驗, 而且不要再犯相同的錯. 七月尾的調整可以說尚未完結, 調整幅度的關鍵在滙控的業績公怖, 但相信這次調整的幅度快完成了一半, 我暫時不會認為這次調整正是我之前所說的8~10月內的大調整.

七月初我主要玩的是即日期指, 對期指還在摸索階段, 犯下承擔太大槓桿的錯, 而且我要明白等待機會亦是投資的一種
七月尾, short call 23400 下星期一到期, premium94點. 當時心想恒指升幅不會超過23000太多, 原本諗住係short call 23000, 最後選擇了保守d既23400. 雖然馬後炮講句那時應該放膽short個低d strike 既call. 但我第一次掂期權(options), 唔知頭唔知路, 又唔知原來期權咁特別, 再加上恒指最高曾升越23550, 如果我持有一個低d strike 既call, 絕對有可能被震走!! 算吧, 現在我的能力只可以收到94點premium, 也沒辦法
回想起來, 那時futures一直比現貨低80點, 大戶實在太聰明

我係技術分析派的忠實支持者, 其實我更加支持基礎分析, 估不到吧^^ 其實都有跡可尋, 而且明顯我更尊重基礎分析. 如果我完全用技術分析, 就不會看匯控的業績, 更不會靜待匯控業績
個人預計, 匯控業績純利應該有5%增長吧, 可能表現更好, 因為次按的影響根本在上半年沒有浮現, 同一道理, 我對匯控有超過5%增長並不意外
但股價是反映匯控的盈利能力. 我的著重點有二: 次按相關撥備 和 匯控主席對匯控的展望, 這兩點決定了匯控股價的命運

下星期市況預計 (估估下, 千祈唔好當真, 前題匯控業績好)
星期一就一定低開, 開市可能已經係22250~22350左右, 睇日本如何消化美國的跌市......美國星期五係最低位收市.....經過開市的拋售後, 市況應轉為觀望, 靜待期指結算及匯控出業績. 到了三點, 歐洲同大戶應該有醒目錢出招, 有膽量可在三點後更風買 / 沽一轉. 我睇好匯控業績, 我估三點後有機會有明顯反彈
跟住可以好波動, 有可能借匯控的業績反彈大挾淡友震走晒出黎, 跟住再反手殺跟風好友, 如果一日大市未能回補上星期五的裂口, 只能看作反彈. 可能係22700已經有相當大的沽壓, 可小注做淡, 下望22250/22000/21800. 21800~22000可能留意資金流向再決定是否借機做好
(算吧 大戶的動向絕不是散戶所能觸摸~)

over-night derivative position: short call hsi 23400 30/7到期

早市大跌, 午市如何?

好明顯我係技術分析支持者, 等我睇下張圖先~~
恒指20日線已經跌穿, 今天都ok無望能夠升番上去, 一日未升番上去, 實在不要輕易博反彈
現在50日線在遙遠的21750, 雖然遙遠, 但如果市況不能穩定下來, 很有可能要試一下50日線的支持, 那時候50日線將位於大約21900之上, 聯同心理關口及六月中的密集區支持, 看看可否止跌回穩. 而上一級的支持位在22550, 今天低位已經 / 將會非常接近這個數, 始終島形頂的殺傷力實在不容忽視
日本股市在17200前固守, 但中國股市不爭氣, 下午好像越跌越多, 如果三點歐洲開市, 好運的話可望在朝早所講的波幅範圍中上區域收市, 否則.......

經過開市一輪拋售後, 11點即月期指一直低水約30點以上, 下月期指平水.....8月初市況要待滙控出業績才能更準確預計

大回調

今早起身發覺美市急轉直下, 曾經跌足400點. e+ 期指市前對盤. hsi: 22700 , 國企: 12799
今日想試一下讀盤
如果你持有短線衍生工具, 你明知係震倉, 都一定要走, 尤其是20天平均線, 跌穿就好麻煩, 加上星期一滙控出業績, 有咩大事跌1200點唔出奇
中長線亦可看好 調整後 可定止蝕上車
個人計計今日hsi 在22850~22600 上落, 收22700左右
國企12800~13050, 如果中國跌幅不深, 收市是可能在12950

美元對日元跌穿120

現在係夜晚九點半, 美洲開市歐洲快收市, 暫時市況可以用頗弱來形容, 美市早段急跌後回穩
雖然市場上有好多不同理由看歐美跌市, 但我覺得最重要係美元對日元跌穿120
跟風carry trade的投資者需要拆倉, 我諗只要守得住第二關118, 股票市場又會繼續向好
明早仍然是期指轉倉高峰期, 明早開市大戶有權借外圍力量大舉低開後轉倉, 要留意明天的盤路
看來我的short call hsi 23,400 可以安全過關吧, 雖然只是收得極可憐少的premium, 但都希望第一次玩期權有正數回報
而且, 唔親身試過期權, 真係估唔到香港恒指期權好似期指咁計按金
講番香港, 其實明天跌幅可能唔夠250點, 因為有23,000好友大關, 守一天應該可以吧
雖然不斷湧現利淡消息, 但現在是大牛市, 而且如果為了想取得第一段熊市的沽空回報, 將足以令你破產, 我寧願有明顯的跌市才行動
計我話, 美滙指數80大關應可一守, 這次跌市危中有低位建倉之機, 收左premium (希望真的收到) 可以嘗試做其他策略, 例如bull spread
不過要有兩手準備, 或者等滙控出業績先準備. 雖然我個人係睇好滙控業績好過預期 (不代表滙控業績好), 但有朋友開put, 等我都支持一下佢 ~~ 滙控跌~~

我仍然預計八月至十月會有一次超過1200點的調整

7月25日展望

其實都無咩展望, 這隻惡牛只要 英 美 日 中 不是一齊跌市, 就會升市, 雖然英國跌得好勁, 但美國守得住13800的話, 我對香港回軟沒有太大期望. e+過左一半市仲要好似有d回升痕跡........ 都係個句, 俾我收足premium就夠了, 無咩(向下的)期望
明天開始進入轉倉時期, 希望 (又係希望) 明天即月期同恒指現貨唔好差天同地, 尤其是唔好係我個call 23400附近現貨期貨相距80點, 我都唔知信邊面好 (雖然我傾向信恒指跟期指走)

兩件事證明理論同實際係兩回事

1. 匯豐中國翔龍基金(0820)第一天收報11.9x 已經有好多分析指出無理由咩成績表都未派投資者就肯用1.2元換人地1蚊, 點知第二天就勁la!! 升43%, 升到差唔多18元, 即係肯用1.8元換人地1蚊, 係大牛市, 有權唔跟人地一齊瘋狂, 但唔瘋狂就唔好期望自己有能力係最勁既升市中有回報......今早0820大幅波動~

2. 今早一開市繼續闗心我的short call. 原本開市好地地期指係23360左右, 點知十點恒指開市高逹23467! 當時低水差不多80點, 而且低水情況一直無改善.......點解結算前夕可以低水80點?? 最後會係恒指跌定期指升?~

short hsi 23400 call 的下場~

大牛市真係強勁, 個市強都好似無壞消息咁 ><
我當時已經諗住保守d沽左張價外d既即月23400 call ~~ 寧願收少d premium~
諗住星期五美市跌同中國加息, 應該唔會升la~
點知都係不停逼近23400......打和位係23490 (連手續費)
看看我的估計有無錯.......最好就收足全部premium la~
仲有五個交易日~~

又重上23250樓上

上星期四估大市會下跌, 點知連續兩天都是低成交下的升市
係星期四跟足我既策略, 掛盤沽左即月23400 call 先出街, 已經街高十幾點都成交左
但沽左跟住就無眼睇由得佢唔埋個市. 自己心情不好, 心情不好不要自己走到鱷魚的口邊
到月尾就知道我可以收足全數期權金

今個星期, 對短炒者建議有兩個:

如果你原本係短線好倉的話, 盡快平倉, 就算唔平倉, 必定要嚴守止蝕
如果你夠進取, 請短線追沽, 可以沽23000CALL, 甚至沽期指
恒指22565國企12550是第一道支持位, 但那是一道無力的支持, 可能明天已經跌穿左......
明天開市恒指應該已經22700, 國企12660. 開市未跌到位係走貨最後機會
這次回得很急, 博止跌回升的, 除非技高人膽大, 否則謹記"不買當頭跌"
有效至星期五

今日重點^^

懶, 列點算

==> 好辛苦寫好左warrants 既 excel 下一步寫期權 excel
==> 上面那個網上ecxel 幾好用, 會自己update (不過睇清楚d 就知佢 update d 好似好 update 而事實上好 唔 update 既 data.......), 我再加左金屬價格, 令到睇落去好似俾以前略為全面d咁
==> 近來好多時做淡都損手而回 ><
==> 今日中午期指開市, 唔知係好友食完午飯番唔切office 定好友唔小心大手入期指變左大手沽左期指. 總之下午期指低開左100點, 而且有500幾張成交! 望番股票市場, 風平浪靜, 三分鐘後已經升番有凸
==> 但下午個市都好怪, 今日係中移力頂大市, 中移動頂左恒指 150 點. 但係23000前無力再上, 其實個時日本已經倒跌, 國企即日升幅無左大半? 點解恒指, 更準確d黎講, 中移動可以企得咁硬呢??

繼續同options greeks 博鬥

終於搵到所有公式, 點知, 最難搞既係, 點樣用公式計.........N(d1) 點樣changes subject?
計計下, 突然間發覺所有數字都自動微調. 呆了.......點解會無lala同我手上抄低原本已經錯既數字會有出入呢??
幸好, 冷靜下來很快想到問題來自邊度:
岩岩過左一日, excel很醒目咁將day to expiration 自動計少左一日
唉......又要計過

implied volatility 同 options gamma, 點先可以計你地出黎??

原來用excel 計 implied volatility 同 options gamma 係一件非常艱辛的工作, 起碼以e+我excel既程度係好難!

先殺好友, 再挾淡友!

今天最低跌過170點就強勁上升, 連和黃都升五元真係無野好講. 過了星期五這個"安全期", 下星期開始入戲肉~~
今天滙豐曾經符合匯豐升幅大於恒指之說, 但收市前回順........我看升得咁急, 收市前沽左張細期過夜. 看看我的眼光如何
查左一陣間, 發覺熊證俾黎次升浪搞到差唔多隻隻都停止買賣. 市面上有投資者持有的可買賣"熊仔"只餘下可憐的六隻......當中三隻熊仔係來自國企, 另外三隻來自恒指...........如果恒指再升多70點, 就會再多一隻恒指熊仔打靶
今個月以波幅為主, 我要盡快用excel寫好d program 方便我計數, 咁樣先可以更輕鬆進入窩輪同期貨市場. 如果星期一市況不利自己持倉, 應即時平倉計數.

穿頭破腳?

中國 印度 巴西 俄羅斯 -- 金磚四國, 除左中國其他都創出新高. 今日上證跌番去3,600心理關口.

估下中國今個星期會否有宏調措施? 可能明天已經有些資金離場觀望. 那些資金離場是否聰明之舉要星期一先知, 但足以對明天股市構成壓力
上證已經跌至心理關口, 中央會否忍心出手?

見頂訊號?

1) 即市期貨高水收窄, 雖然尾市大幅升高, 但有一種引人落水的感覺....成交都少左~
2) 日線圖呈"吊人" 明天如果再有利淡的技術型態即確認跌市
3) 成交低企, 但幸好維持800億樓上

如有壞消息配合, 可能會挾好倉, 但今星期應該安全

沒有成交量配合的升市

沒有成交量配合的升市, 都叫做升市, 相信好多股評人和投資都會相信後市向好~
依我看, 一天半天沒有成交量的配合雖然不是甚麼大事, 能夠企穩在22,000點收市 + 大陽燭, 對短期後市都有一定的心理支持作用 -- 最起碼7月6日前應該無大問題.......

不過要密切留意以下三項消息或數據, 如果三中其二, 則要小心回軟的可能性會大增
1) 在22,000以上升市但成交在750億以下
2) 滙豐表現較恒指好, 但當日藍籌股中逾半回軟
3) 出現重要的利淡消息: 美債, 日元滙率, 次按揭

加上技術指摽的確認, 即可 (大手) 做淡