開市前更正買入策略
雖然美市跌, 但日本市好似開得唔錯
香港有望高開吧
百萬倉:
8月31日以開市價高80點沽一張期指
如果九月期指低過23300再沽多一張
若果收市成交大過1100億, 收市價高於23850並同時高於開市價300點以收市價平倉
有效一天
2007年8月31日星期五
初次嘗試為百萬倉沽期期的下場
市況的波幅好像減少左, 但每日的裂口和成交一樣還是嚇人
我發覺了百萬倉第一個問題!! 就係如果早一天定下策略, 而且定得咁死格板, 幾個月很個百萬倉一定唔會game over!!
因為咩貨都入唔到.....
更改了規則為"開市前"決定當日所有策略
百萬倉:
8月31日以開市價沽一張期指, 不問價格
如果九月期指低過23300再沽多一張
若果收市成交大過1100億, 收市價高於23850並同時高於開市價300點以收市價平倉
有效一天
2007年8月29日星期三
2007年8月28日星期二
百萬倉的自設規定
先講恒指, 星期一建議將Strangle / Straddle 平倉係因為這幾天市況都應該係窄幅上落
即係無野可講, 亦無特別野可以做
其實設立百萬倉的目的, 不是因為想同不同財經的評論文章鬥一番, 而是想做一個實驗
有些百萬倉是在每一天收市後交代他當日的即市買入 / 賣出的決定, 但這樣會令人懷疑可以在事後選擇在接近當日低位入市, 或接近當日高位賣出
還有其他很多一些我覺得不太公平的規定, 例如唔計手續費, 心裏總是覺得在不公平的規定下要跑win恒指可以話係話咁易
所以我想整一個非常透明既倉出來.....而且要合乎若干規定, 看看多少個月就GAME OVER
# 以積極投資方法追求長期絕對回報為目標, 不追隨任何指數, 唯會以恒指作衡量表現的方法之一
# 不能融資, 持有現金時不會收取任何利息
# 投資只限: 一切在香港上市股票, 包括窩輪 (低市值的很有可能不買但不是規限), 期指 (恒指和國企), 定期存款. (通常唔會)
# 投資成本(單邊): 股票窩輪0.2%, 大期每張60.8元, 細期每張$23.66元, 國企每張$34.3元 (跟據本人常用的證券行)
# 投資比重: 股票所佔比重可由0%至100% (每隻股票通常不佔超過40%但不是規限), 窩輪所佔比重可由0%至40% (每隻窩輪通常不佔超過20%但不是規限), 總期指合約價值不會超過百萬倉總值的4.5倍
# 買入賣出的時間: 必須在開市前定下買入價 / 買入時間. 或者觸及自動平倉價
# 抽新股: 可孖展抽, 但會計息, 而且只會計最少分得到的股數. 例如抽一手時如果不是一人一手當抽唔中
相信以上方法已經避免了絕大多數的模擬投資出現的問題, 但以下假設仍然沒有得到解決:
# 只要價位到價, 買入/賣出量將不受限制, 並且假設價位不受大量買入/賣出的影響
將來和此倉有關的都用灰色字, 我個人實際持貨為紫色字, 方便區別
係以上規定下, 希望可以捱到幾個月先game over la
2007年8月26日星期日
計劃模擬百萬倉
Strangle (勒束式窩輪組合) 或者 Straddle (馬鞍式窩輪組合) 的投資組合可在星期一等候機會平倉, 通常轉倉時波幅會減少
這幾天, 好明顯我錯了, 就算真係有一段跌勢, 星期一最高位可能會係23400附近, 實在遠高於我原先估計反彈的頂位. 大戶對賭後淡友消失, 上星期整個大市完全由好友主導, 引發一輪單邊大升市....
我低估了市場求貨心切及壓彈簧的力量. 而且沒有留意加期貨保證金所產生的可能影響
從期貨市場未平倉合約並無甚麼大推論, 未有明顯利淡走勢. 匯市及香港銀行同業拆息亦像回穩
繼續冷眼旁觀~正常估計當然係升市
只需要留意會否出現低成交 / 高開低收 / 中移升幅遠超越恒指的情況, 留意淡友會否留在期指結算前夕才發難
計劃整一個模擬百萬倉黎玩下, 大約想好為自己加的規則, 看看下場會是甚麼^^
2007年8月22日星期三
經過一輪大升大跌後~
我對八月大市真的不是太看好.......我都唔可以好詳細咁解釋如何得到這個推論......
前日說過, 短期前景我就真係唔睇好, 唔好話我唔睇好一升就升番上23500樓上....你話黎一浪會起碼升番上22500我都不敢苛同.
我睇到大戶同大戶對賭既情況. 如果有一邊輸了, 將會引發一輪單邊市!~
e+ 最好的投資能係 Strangle (勒束式窩輪組合) 或者 Straddle (馬鞍式窩輪組合)
2007年8月19日星期日
又到左亂估無痛苦既時間~
睇左歐美股市對聯邦儲備局調低貼現率半厘至5.75厘後, 以及大戶的怖處, 等我又吹下水先
我覺得星期一十點恒生指數第一口價在21000以上才值得意外 ><
如果你睇好後市, 想搶先即刻追入貨, 你就要有心理準備不但要掛主動買盤, 而且可能要在21000以上才接到貨 (在此聲明, 我沒有說我睇好後市)
點解? 因為大戶都要搶貨, 無論基金買貨, 國際投資者投資港股, 沽空者補空倉, 大戶建倉, 跟本明早一開市係供不應求
大戶都唔夠貨, 點會俾散戶低價入到貨? 想入, 就要好似大戶咁唔問價掃貨, 掃完先算
即時(吹水)策略 (聲明, 我個人星期一唔得閒, 我自己係唔會執行這一個策略, 此策略風險極高, 一切資料只供吹水，如對任何因信賴或參考有關內容所導致的損失，本人概不負責。)
星期一期指在9:45~10:15以20820競價盤 / 限價盤接一張大期 (即20820以下以市價入貨, 否則等運到, 期指係最大可能有機會執到平貨既地方), 10:15分後取消掛盤 (如未成交, 就不要再等運到)
跟住以下任何一個情況最先發生即時沽出
1) 較即日最高位下跌100點
2) 期指報21310
3) 收市前, 即16:15
如果黎個吹水策略唔變, 最大損失就100點, 1點50元, 即五千大元....所以非常刺激, 紙上談兵好過^^
短期前景我就真係唔睇好, 唔好話我唔睇好一升就升番上23500樓上....你話黎一浪會起碼升番上22500我都不敢苛同.
但我一直估算8~10月的大跌市, 看來大市已經狠毒咁話我知, 就算你睇中, 你都可以零回報!
---------------
市況回穩就係時候睇睇我投資的新興市場基金.....從214.82的最高位跳左落黎180.08, 唔見左差唔多17%,即 1/6 !! 算吧la, 算係咁....其實已經好過我預期
2007年8月17日星期五
美國減息半厘!! 由6厘25降至5厘75
美國聯邦儲備局周五宣布，降低貼現率半厘，由6厘25降至5厘75，以應付經濟向下的風險。
聯儲局未有調整聯邦基金利率，仍維持5厘25不變。聲明稱，金融市場已惡化，信貸緊縮，不明朗因素增加，足以可能抑制經濟增長。
消息公布後，歐洲股市和紐約 股市期貨全線回升，日圓匯價稍為回落。聯儲局今次救市行動有點令市場意想不到，過去數天，他們已先後注資450億美元入銀行體系。
貼現率是中央銀行借錢給商業銀行的利率，與聯邦基金利率不同，聯邦基金利率是美國銀行 間的隔夜拆款利率，代表的是短期市場利率標準。
---------------------------------------------------------------
今日個市真係刺激到爆, 心血少d都一定暈浪....先來一個1300點既超級巨浪殺落黎, 再來一個1000點巨浪推番上去, 逆浪而行, 一定死左都唔知咩事!
期貨係午市湧現斬倉盤, 斬到七七八八再大挾淡友, 睇到個勢都要幾快手先無事.....
跟住大市收市之後, 期貨市場又跌左200點, 即低水200點, 都幾大整蛊~ 咁就完成左戲刻性的一日市況
點知到左今晚, 竟然(不幸)係星期三俾我吹水吹中:
.......
如果估這幾天, 可能大戶會繼續壓住係22000樓下, 睇風向做人, 如果美國再有數據讓聯儲有借口減息, 可能大挾淡友都唔奇
........
其實減息半厘才有即時成效, 一減就減半厘好似聽落好多, 其實係正常....但我是認同係黎個時勢黎個時候才減息呢? 又是另一個故事...
睇睇新聞:
蘇格蘭皇家銀行亞洲司庫及新興市場主管張宗永出席電台訪問後表示，是次各國央行已主動入市，並利用不少非減息手段以支持股市，惟若論及美國會否於現時減息，則言之過早，因減息不單影響信貸市場，同時亦會造成廣泛影響。
錄自 (經濟通) 08月 16日 星期四 02:28PM
全球多個國家中央銀行於上周進行注資，今日日本及澳洲央行再向銀行體系注入資金，令過去總注資規模增至2.35萬億港元。市場憧憬美國可能於下月減息以挽救經濟。不過，恒生銀行（011）副董事長兼行政總裁柯清輝表示，環球央行連環注資後，次按引發信貸緊縮問題可望紓緩，料美國聯儲局暫時毋須急於減息。
錄自 (星島) 08月 13日 星期一 01:02PM
老實說, 市場上好似無諗過美國會減息咁.....
我都覺得e+才減息都好似多餘
你話減息係咪對香港股市好? 咁短期一定係, 只要無基金爆煲, 跟住再話香港其實同次按無關, 跟住再加多句香港基調良好, 再再加多句背靠中國同亞洲係共基金同中東大戶熱門投資既地方, 又可以幾百點幾百點升番上去
但投資者人心有餘悸, 係咪話會一升就升到去23000甚至更高? 我有保留.....
暫定策略如下, 並會跟隨大市的消息隨時更改, 建議只作笑話一則來看, 不要用來參考:
我看投資氣氛已經轉差, 雖然有一萬個理由要求恒指反彈, 但有一個理由可以要佢跌番落黎: 經過今次小型風暴後, 次按問題已經影響了未來的經濟發展及資金流向, 為減低風險, 基金等還有可能觸發多一次大跌.
到時應該會再考驗20000點大關, 可以在250日平均線買入, 以今日最低位作止蝕. 到時看看可否升番上50日線再算
簡單作支持阻力分析:
支持: 20000 (弱, 曾插穿左><) / 19834 (很強, 牛熊分界線) / 19386.72 (強, 即市低位)
阻力: 20841 (很弱, 很快會受挑戰) / 21303 (很強, 因為大型島型頂)
以下是一則特別財經新聞
零晨一時十分, 環球股市受由次按危機引申出來的信貸危機 , 再由信貸危機引申出來的信心危機
加上環球資金緊縮, 日元拆倉潮加劇, 美元對日元曾低見112.11, 即一日內由116美元急挫3%以上
再加上不斷的壞消息出現, 這時候好消息好像不存在, 無消息即係壞消息, 真的壞消息就會引致恐慌, 沒有一則新聞不是利淡
更重要的事, 大戶不問價全力沽貨, 跟本沒有人有膽出黎接貨....君不見這半個月, 反彈接貨有誰不是一手蟹貨??
市場氣氛嚴重, 多個心理及技術支持位形同虛設, 環球重要市場都跌穿重要心理關口
不過跌市不需要理由, 無論跌市的理由有多弱, 有多無聊, 大市下跌, 就是下跌
歐洲股市極差, 英國單日下跌4.1%, 法國下跌3.26%, 德國下跌2.36%
在零晨一時左右, 美元對日元低見112.11, 令美洲股市重創.
DOW 曾下跌330點至12517.94, 接近12500心理關口. 而美國其他指數亦跌2%左右. 南美洲以巴西為首的股票市場, 曾一度急挫8%! 美國國庫債券五年期息率曾下跌0.22厘, 即跌至4.2厘, 創一年新低.
如果市況回穩, 明天香港可能最多跌近900點收跌近700點. 否則收市跌900點以上
如有心沽貨, 而大市開市在20000點樓下的話, 可留意11點鐘左右, 有機會成為當日的最高位
睇大勢買賣, 不要輕易博反彈. 博反彈亦請嚴守止蝕
2007年8月16日星期四
已經跌到去20000點心理關口前......牛熊分界線: 19821
估唔到不知不覺, 這已經不能再看成調整......個市弱不禁風......
有咩市投資者走, 拆倉又走, 散戶見反彈走佬觀望
自己亦睇少左黎次跌勢之急和兇, 美市跌百餘二百點, 香港就跌足600點回敬....
那一天的陷阱, 竟然成為最佳入市做淡的時機, 始料不及.
就算你話只有神仙先知幾時有轉角位, 但如果由陷阱個時開始沽, 到今天只是數日時間已經賺2000點! 可惜我尚未有這樣實力. 我要繼續留意股市.....
原本認為21000這個多項技術指標支持位不堪一擊......對不起....這個支持位估錯了......美股每跌百幾點香港就跌600點, 兩星期內已經五次跌起過600點了.....
如果美市無起息, 香港再插600幾點就會去到最重要的關口!
美元對日元兌114, 恒指期貨低水100點, 隨著金融風險危機提高, 大市已經很弱.
歐美市況恐慌性拋售......明天gd luck!
2007年8月15日星期三
又跌600點.....
今日跌市係咪急左d? 21560應該幾好守都守唔住? 我覺得短期跌過龍........
但又跌600點, 個市真係好弱, 有咩市投資者走, 拆倉又走, 散戶見反彈走佬觀望, 市底係弱d.....
如果有膽色 可小注100日線做好倉
連續兩天的低成交小升市, 但受制於50日線
這有甚麼暗示呢? 依我看, 這一輪跌市可能已經運行得七七八八, 雖然在似樣的升市前還需要試一試 21585 的支持力度, 但如果沒有太多負面消息, 可能可以係有大波幅情況下反彈
如果中國下星期出招宏調或者係下試低位時再出負面消息, 咁就要滑到100日線21260的地方
如果估這幾天, 可能大戶會繼續壓住係22000樓下, 睇風向做人, 如果美國再有數據讓聯儲有借口減息, 可能大挾淡友都唔奇.
正路估算試多次21585就會回升
肯定的事是, 雖然波幅收窄, 但後市仍然會相當反覆
2007年8月10日星期五
差d中了八號風球的陷阱......
話說我持有好倉期指一細張扮好友.......
跟住就去食個lunch, 買份報紙無聊一下, 點知有人話掛左八號波, 嚇到我心都停埋.....
我講過唔會好倉過夜......如果期指唔開市, 我未死硬!!
第一時間返屋企開電視, 不但轉眼已經三號波, 竟然三點半前改八號波!!
第二時間去港交所查颱風安排......答案是發出八號波十五分鐘後停市!!
一面開住電視, 一面睇住個期指.......
好彩兩點半才掛八號波, 剛剛好有十五分鐘讓我走.......一開市大起大落, 期指15分鐘內先跌70 幾點再升80幾點, 現貨成交都好密......我亦把握了一個很差的時機將我的持倉反轉
over-night derivative position (10Aug): SHORT mini-hsi future (Aug 2007)
過夜倉(衍生工具, 8月10日): 沽即月恒指細期
雖然時機差.....總算不是好倉過夜.......但今天即市表現就真的很差了........
我對即市上落市是非常無奈. 因為自己投資策略完全不適合係上落市操作, 這點我必須要正視及作出更正!
做單邊, 倚靠相關支持/阻力線, 嚴守止蝕及原先計劃, 大機會才出手, 隨勢而行
中午收市
1200~1230:
這半個鐘內其一期指波幅範圍上移, 其二日本午市亦好像有d起息, 其三我估大戶出牌前會先做高個市少少, 於是買左張細期扮好友
不過黎種市一定要順勢而行, 睇落去好似跌左600點, 老實說可能係大戶頂住個市黎沽, 沽完再插.
我睇唔到我有任何理由持好倉過夜.
如果大市升番去21950~22000範圍, 90% 反手做沽加淡倉過夜.....
後市支持位:
21550~21600
跌市黃金比率範圍, 六月中升市的第一支大陽燭頂部
21000~21200
100日線 (21200) + 密集區頂部(21088)+重要心理關口(21000), 跌穿真係無眼睇
後市阻力
22000~22067
我最信任的50日線只是支持了兩天的跌市.......已經成為即市阻力
22400
十日線, 正以極速下降中. 大約每日下降超過50點
gd luck to me or gd luck to hsi, 我同hsi總會有一個不幸......
又一次裂口低開, 而且今次港元拆息大幅扯高
裂口低開就預左, 不過開市後股市並沒有大變幅. 即月期指12點前大部份時間維持在2166021720上落.......今天好像只是一個平凡的大跌市
其實不是!! 12點鐘為止, 港元拆息大幅扯高, 對比如下
香港銀行同業拆息(厘) / 8月8收市 / 8月9收市 / 8月10正午
一星期 4.202 4.238 5.382
兩星期 4.247 4.267 5.237
一個月 4.277 4.318 4.901
兩個月 4.378 4.419 4.872
三個月 4.461 4.496 4.851
有資金離開香港........
今天收市升唔番去50日線以上, 今個月就慘情......到時我就要承認我提在口邊的8~10月的大跌市, 就是現在......
e+ 個期貨市場好窄幅上落, 大戶想點出牌都得, 要小心走位, 拆息扯高, 大市向淡
2007年8月9日星期四
又沽早了, 又又平倉早了
昨天, 我認為上升市是陷阱
今天早上竟然高開200點(即月期指, 特別高地開><) 我都心裏密密盤算應否認錯平倉.....
昨日我所說的陷阱
會否是一個並非陷阱的另類陷阱, 讓一些人以為它是陷阱的陷阱呢?
簡單黎講就係大戶會否等我沽左期指之後再升多一千點殺了我這一隻綿羊呢?
今早我一定要出街, 睇了一會, 覺得陷阱理論大致上不是大錯的估計, 於是我就掛了一個止蝕位, 出街......
點知午市番黎, 竟然平左倉.......唉, 仲要係俾我止蝕位高不出20點, 為時不足三分鐘, 跟住開始力插, 我下午先追沽, 賺少了 ><
到尾市, 雖然我所說的陷阱好似是對的.....但就快招行出業績, 我又係平倉觀望吧........好難成日開口做中個市.....
點知, 歐洲個市好差....看來我眼光都未夠準, 可以再準d, 入既價位可以再好d, 我諗要多d經驗
隔岸觀火
阻力十日線
支持五十日線, 我看明天不會一下子跌穿咁兒戲吧......
2007年8月8日星期三
反手做淡.......其實自己無太大信心.....
760億的成交但有多年來沒有見過的628點升市.
只看大市升跌的話, 大市真係一浪浪咁上, 加上大致和我的推論吻合, 我亦看到期指成交有上升的趨勢. 但問題係, 最大最大問題係, 成交太少了.......
這樣低的成交, 雖然確認左50日線的支持, 無論它是否繼續有效, 起碼已經令大市有D反彈.
但實在不能說收復多少失地.....我暫時維持大市的第一線支持位在50日平均線, 即22000左右
大陽燭而沒有成交支持, 我看這是一個陷阱.
其一它的成交實在太少
其二這麼大的升幅卻不能重回十日平均線以上 (十日平均線 = 22540, 差三四點)
其三, 如果好友有能力, 不應在尾市才大力推上去, 有點兒強行拉高恒指
如果這是一個陷阱, 這個反彈已經差不多了.
但我對這是否真的是陷阱沒有太大把握.......因為有很多在技衍分析上及基礎分析上向好的訊號.
這是冒險的一著:
over-night derivative position (8Aug): SHORT mini-hsi future (Aug 2007)
過夜倉(衍生工具, 8月8日): 沽即月恒指細期
低成交的升市
星期一講到:
支持位 21940 (50日線) 我在這一刻都係咁相信這個支持位......可惜已經變成即市支持, 明天恒指頂多有權插穿它一天半天. 跟住又會再度發揮其功力!!
我覺得下一道防線位於21680~21560, 明天進入黎個範圍的話90%機會持好倉過夜
於是我就高位追好倉: 21992開倉. 點知開倉無來就不停跌, 跌跌跌, 跌穿埋50日線. 跌到2191x. 期貨市場仲要低到去2186x. 估到大市未必買得岩的一個大例子!
我就持倉過夜
現在星期三午市前, 原本看大市升幅同期指成交都ok配合. 點知睇番現貨成交, 半日才得385億. 這樣下去, 如果市況再淡靜d, 全日成交可能730億左右.......
沒有成交配合的升市, 一大忌.....
對會否再好倉過夜有保留.......
唔對路要即刻走.....
over-night derivative position (7Aug): long mini-hsi future (Aug 2007)
2007年8月6日星期一
恒指距離50日線仲有5點
大市把握左一位笨蛋 (無奈) 沒有持有任何short future 時直轟到我心目中最強支持位 (601點! 期貨跌更多, 無奈!!) 比亞太區任何重要市場跌幅還要深, 唉.......
估中方向未必估中點數
估得中點數未必估中時機
估中時機未必有相應買賣策略
有相應買賣策略未必有膽持貨
有膽持貨未必有耐性唔怕大戶震倉
有耐性未必有眼光在合適時機平倉........最慘係, 明知以上的都是真卻總想投資 (投機), 同時總是難以避免
算吧, 向前望.....
恒指距離50日線仲有5點, 其實已經係曾經插穿左.......
支持位 21940 (50日線) 我在這一刻都係咁相信這個支持位......可惜已經變成即市支持, 明天恒指頂多有權插穿它一天半天. 跟住又會再度發揮其功力!!
我覺得下一道防線位於21680~21560, 明天進入黎個範圍的話90%機會持好倉過夜
2007年8月5日星期日
唉....我大致估中了方向......
星期六早上無睇美股收市如何. 夜晚番屋企睇番美市. 我想尖叫lor! 美市尾市急挫281點! 下星期一一開市已經會失去第一條防線!
點解我上一日講"現水平真想沽一張期指過夜", 明明無講錯, 但點解又唉來唉去呢? 原因實在太簡單, 就是看中了方向卻沒有相關的position在手. 我手上並無任何衍生工具過夜!
這點實在令我沮喪! 我即時想作出檢討!! 我唔希望只用一句"有早知無乞衣"做總結. 我更想知發生咩問題!!
我睇番8月3日的即市圖回想我當時所想, 反省我當時的預期. 我當日可算是非常緊貼市況. (當然還是分了神. 上一篇blog在我持貨時寫的. 我只是大致用了六成精力看期貨.)
我記得, 開市一段時間後, 跟據盤勢及我個人對後市(不靈光的)預測, 我決定當日做淡.
無錯, 星期五大市上升了95點. 但事實上我全日做淡. 總計開了淡倉及平倉各六次.
當中有五次獲利, 我不會因為有一張損手離場而不滿. 但我對那一張沒有定下止蝕單感到不快. 老實說, 即是扣除手續費, 全日共獲利超過200點.
檢詩後對在市前假設及當日開倉的決定感到滿意. 完全做淡沒有決定錯.
對自己專心程度則感到不滿. 不應該放鬆自己對市況的觀察
而在平倉時間卻有改進空間. 應該以保護自己的position為先. 尤其是已有獲利的position. 很多時想平倉後以更有利的價格建倉, 到頭來是毫無得著. 尤其是朝早開的position.
第五張損手. 我應該在三點後以2254x做淡, 就是忘了止蝕, 捱到三點二十分2259x, 見市況有直衝上22600樓上的打算, 才退場.
到我最想檢討的第六張了. 我在三點半後見到大市回軟, 看到歐洲開市市況無升勢, 即時追沽做淡, 價位很接近22600. 很快大市就證明我的方向正確.
我的經驗告訴我, 我應守至尾市. 四點現貨收市後, 我已經不停盤算著, 是否過夜. 四點後, 期指盤大致平穩. 我對自己說, 期指收低過22450過夜. 但今次並不如願. 相反, 在收市前連22500也攻不下, 我亦在四時十二分左右平倉, 距離期指收市三分鐘.
平倉後, 期指上升了20點以上.
問題就係, 這次平倉決定是否恰當.
睇番當日盤勢, 我想我仍然會作出平倉既決定
始終過夜所受風險遠高於即日市. 必須要有足夠信心才可以將即市倉轉為過夜倉
期貨如果向你不利的方向移動, 一千點已經可以一q 清袋.
當然, 如果我過夜星期一就正la. 但一定要有風除管理意識. 機會經常有.
期貨大戶最想見到期指散戶落注, 因為無論你落注升定跌, 佢都可以舞高弄低殺晒兩邊既散戶, 唔怕你眼光好, 最怕你唔落注.
輕易持倉過夜, 絕非智者所為! 下星期一再黎過~
2007年8月3日星期五
大市支持 / 阻力位
現在大市顯示出比我想像中強, 一直沒有跌至我心目中的範圍21800~22200, 最低點和這個範圍尚有144點的距離
隨著時間的遷移, 一些支持位/阻力位亦有輕微改變, 最主要係因為移動平均線一直在移動, 以及近來的市況多了兩個支持
大市支持位
第三條防線22000~21900 由心理關口及50日線所構成, 加上六月下旬的密集區
50日線上移速度頗快, 下星期三或星期四就會升至22000. 成為一個非常強的支持, 個人認為大市將要試一下這一區的支持
第二條防線22200~22150 為連續兩天的即市低位
暫時此區防線略弱, 但如果這幾天再度證明此區為即市低位有承接盤, 我將視這防線為最新重要支持區
第一條防線22440 為近來多日升市的起點和跌市日的收市位
這防線頗強, 但只要市況弱, 這防線將受來回貫穿, 其作用將大減
大市阻力
第三線阻力23200 島形頂底部!
島形頂殺傷力驚人, 只要收市在成交配合下企係23200樓上, 這次調整已經完成, 並會再度挑戰高位
第二線阻力23000為連續兩天的即市低位
重要心理關口, 大成交衝破23000將可視之前的低位為短期低位
第一線阻力22900 為10日線20日線所在, 非常強的阻力
這關口這一刻非常非常強, 但兩三天後十日線將會下調至22800或以下. 十日線二十日線將會分別成為獨立阻力區 (20日線還是留在22900附近) 外圍回穩的話, 大市不應在十日線之下.
我諗暫時計950億以下一定不算大成交. 超過1050億應該可視為大成交了, 破阻力成交越大越好
我對後市的預期是?
將會下試21900~22200, 我有很大可能性在該區做好倉. 但正如前文所說, 如果22200~22150 繼續展示其承接能力, 我亦會相應提高我對後市的預期.
現水平真想沽一張期指過夜.....睇清楚d, 諗清楚d~~
任志剛 觀點
套息交易和其他影響貨幣金融穩定的風險
全球貨幣及金融穩定，仍然受到多項風險因素影響。
上星期我談及套息交易對貨幣及金融穩定構成的潛在風險，令我作為金融管理專員感到有點憂慮。明顯地投資者可能未能準確評估套息交易涉及的匯率風險，以致放心從事大量這類交易。但當市況不利，迫使他們迅速平倉，他們的周轉能力可能會大受影響，以致對整體金融體系造成不穩定。此外，套息交易可能會帶動大量資金流入，更可能造成資產價格泡沫。一旦泡沫爆破，便會對經濟、金融及社會造成不良後果。
事實上，套息交易只是我們近期加緊注意的其中一個風險環節。我所關注的至少還有四個方面，金融體系的風險分布越漸模糊是其一。金融創新令金融體系參與者(尤其金融中介人)可以將風險轉嫁給另一方。透過證券化，銀行差不多在借出貸款(尤其條款劃一的按揭)的同時，已可將信貸風險轉嫁給另一方。但銀行是否真的能夠把風險轉嫁出去？銀行其實有否在知情或不知情下直接或間接地向接手承擔其風險的機構提供融資？因此從會計角度看，以證券化的形式轉嫁風險，是有別於從銀行帳冊上直接刪除某項資產。但有一點很清楚的，就是由於轉嫁風險輕而易舉，加上市場競爭激烈，像美國次級按揭市場的貸款準則便有所鬆懈。當然，如果風險被轉嫁予財政狀況更穩健的投資者，會有助金融體系更趨穩定。事實上，有些人認為無借助槓桿融資的長線投資者較其他人更能承受金融市場急速調整的震盪。但也有人指出，這些投資者的資金或積蓄已交由退休基金等投資機構管理，而這些機構須遵守嚴格的信貸風險管理準則，因此如有任何金融資產質素轉差都會被自動沽出，以致不能發揮上述的穩定作用。無論如何，今時今日像實際風險何在、誰最終承受風險、風險是否得到審慎管理，以及一旦風險擴大至超出預期，將會發生甚麼事情等等問題，都不如以往般容易解答。
以上所談及的都是國際間共同關注的風險問題，而另一個我們注視的環節則與香港的福祉有較大關係：內地實施經濟宏調。不同人或會以不同角度看待內地宏調及其對貨幣與金融穩定構成的風險，但當中很多人會搬出慣常用於資本主義自由市場經濟的一套方法來進行分析。當然，市場終歸是市場，產品服務價格都取決於供求兩者的互動關係，只是政府干預程度有所不同而已，但面對內地這個社會主義的市場經濟，我們根本無法從教科書找出任何例子來了解這種經濟體系的運作。正是由於這種不了解，內地的發展和措施往往出乎我們習慣的資本主義自由市場的意料之外。事實上，一般市場手段的宏調措施套到內地的環境也未必奏效，因此當局往往只好採取行政措施來解決事情。儘管這些措施能夠達到預期效果，但卻可能造成市場扭曲，令原來的問題惡化，增加解決問題付出的代價和對市場的影響。
我們還有另外兩個關注的事項，但由於它們本身和其對全球金融穩定的風險已有廣泛討論，我只會簡單一提。這兩點都涉及美國，一是美國住屋市場，尤其住屋融資。全世界的住屋市場都不一樣，因此不能以香港的例子以偏蓋全。不過最低限度我們以往的經驗大概說明原來事情可以惡化到甚麼程度。另一值得關注的風險是國際收支失衡。這是個大家都認為無法持續，並繼續希望最終會有秩序地作出調整的問題。人們將焦點集中於匯率，認為它就是解決問題的良方，這點我不敢苟同。而在保護主義抬頭之下，各界對此各持己見，對全球金融都不是好事。
任志剛2007年8月2日
任志剛的分折和觀點非常中肯, 而且佢聚焦於香港股票市場的形勢, 非常有參考價值
他認為香港金融體系風險主要有五:
一, 套息交易
二, 金融體系的風險分布越漸模糊
三, 內地實施經濟宏調
四, 美國住屋市場，尤其住屋融資
五, 國際收支失衡
個人對首三項最為擔心....影響太大......
2007年8月2日星期四
八月展望
(引用7月28日的文字)
下星期市況預計 (估估下, 千祈唔好當真, 前題匯控業績好)
星期一就一定低開, 開市可能已經係22250~22350左右, 睇日本如何消化美國的跌市......美國星期五係最低位收市.....經過開市的拋售後, 市況應轉為觀望, 靜待期指結算及匯控出業績. 到了三點, 歐洲同大戶應該有醒目錢出招, 有膽量可在三點後更風買 / 沽一轉. 我睇好匯控業績, 我估三點後有機會有明顯反彈
跟住可以好波動, 有可能借匯控的業績反彈大挾淡友震走晒出黎, 跟住再反手殺跟風好友, 如果一日大市未能回補上星期五的裂口, 只能看作反彈. 可能係22700已經有相當大的沽壓, 可小注做淡, 下望22250/22000/21800. 21800~22000可能留意資金流向再決定是否借機做好
(算吧 大戶的動向絕不是散戶所能觸摸~)
星期一開市比我所講的範圍為高, 事實上星期一的開市位為22473, 好明顯星期一受到預期匯豐業績理想, 一直升至裂口區前22854~23157. 不太受外圍影響.
星期二就用匯豐業績大挾淡友, 收23184, 扮到好似完全回補裂口咁. 昨天反手殺跟風好友, 一天最勁跌足1000點!! 簡直好似熊市來臨 黎d真係估到都無用, 大戶要挾, 就一定挾到盡, 震散晒d倉! 市況應該好淡爭持, 美市已經從高位下跌1000點, 可能試一下13000心理關口, 到時(可能星期五或下星期) 恒指有機會試一下21800~22000支持
到時如果不再是"跌市成交增, 升市成交減" 或者有其他比較好的見底訊號, 可以做好倉
這幾天不但散戶, 連一部份評股員都俾大戶搞到無晒方向.
我見到有一專欄上星期五收市後以"縱有反彈難破22854"為題 (<==我估大戶會挾淡, 但我都睇少左大戶, 竟然挾番上去23184)
同一專欄星期二收市後則以"全數回補裂口有機試23558" (<==結果見報當天恒指急跌至22455)
而星期三收市後 (即8月2日見報) 以"大成交急挫 沽壓未消"為題........
究竟挑戰 21800~22000支持時可否穩守? 到時再看環境評估
美元對日元如果一段長時間插穿118, 則後守很難樂觀. 尤其是日元有可能加息, 美元則有些微可能減息
訂閱：
文章 (Atom)
位客人, 歡迎指教
