升1000點時的策略

如果唔貼市可能唔知發生咩事, 事實上, 你緊貼市況都唔會知道發生咩事
簡單d講, 明天早上如無意外國企升1500點不足為奇, 恒指全日最高可能升1000點至30300點

因為恒指開市幾可肯定升過700點
所以開市策略就要在這個大框架內考慮

讓我先由已持有好倉的講起
其實無論是正股定窩輪, 都一定大賺, 而且窩輪可以嬴埋引申波幅的上升
好消息出台利好可支配整個市場
如果你想借機減持, 可以掛高數個價位等人求貨
但最好當然繼續持有, 任由正股及窩輪的升幅繼續發展
而原本打算中線持有窩輪的人可能要考慮是否改作短線,
因為引申波幅回落時可抵消不少利潤, 持call時間宜改為一兩星期之內
如果想追貨, 可以參考以下一段

如果你無貨係手, 想追貨, 追貨策略可能和平時有些不同
如果追call輪, 可能令你發火都未見有報價出來
因為今日輪商有可能開價慢半拍 + 大幅拉開買賣差價
所以資金足夠的, 首選是掃一些波幅甚大的優質正股
因為為今次升市是基調轉變驅動
上升的股票會相當全面, 所以你要事先選定七八隻平時波幅已經大
而且是優質龍頭股, 因為隨時指數成份股升幅高過其他二三線股票
然後同時留意七八隻的表現, 選一兩隻升幅最落後的買入, 既安全, 又可以獲得最大的潛在回報
如果追call, 都係要同時留意十隻以上, 策略應選一些街貨10~60%,
高槓桿, 中期價外輪 (無價外輪選行使價夠高), 因為引申波幅過幾日會回落
追call都係炒幾日, 一定係選高槓桿來填補高引申波幅的不利
留意十數隻係因為輪商隨時唔開價或者開d好過份, 甚至亂開價出黎等散戶接貨
(因為博d唔識計call合理價值的人亂追call)
今天一早七國咁亂輪商開買賣差價可以十個價位
每隻輪計番心目中咩價位會掃貨, 見岩就掃, 睇死一隻隨時得個吉
當然, 最直接是追一張期指 (更準確係追一張國企期貨)

最慘可能成手put的淡友, 但都要準備好買賣策略
如果好多put, 預左沽唔切, 最好方法係競價追數張期指 (更準確係追數張國企期貨)
張數看你淡倉大細決定一只要咁樣做, 就等同已經"初步平倉"
入幾多張唔係開市先諗, e+就要計定
如果無期貨戶口, 你又成手put, 真係唔建議死守, 因為經濟氣候有根本性改變
如果係短線到期, 應把握引申波幅抽升的機會平倉, 輸少好多
如果係長線到期, 應預先計出一個"具競爭性"的合理價值, 係輪商未敢開價前掛盤
盡快套現
即使三思後仍然選擇長守, 有足夠現金的話亦應追貨盡力抵銷今日的升幅

記住, 多手準備, 而且應該在開市前諗定