詭異的引申波幅??

好多人講, 輪商有一高招: 縮引申. 意思是輪商人為地令引申波幅下跌來控制窩輪的價格
如果各位網友有留意的話, 論壇上有時會提出聲討輪的惡行
其實有些固然是輪商的手法問題, 但有些則可能源於對引申波幅的不了解
我想試下用較進階的方法解釋一下引申波幅, 包括了兩招"秘技"及應用.

如果你一直無玩開窩輪, 不代表引申波幅和你毫無關係,
如果想先行了解甚麼是窩輪及引申波幅, 可先到一些專門介紹窩輪基本知識的網站瀏灠

先講兩招"秘技"
秘技一: 只要將窩輪引申波幅 除15.8 就是投資者 / 參與者預期正股的將來平均每日波幅
秘技二: 除左行使價外, 假如任何其他窩輪條款相等 / 相似, 行使價越貼近正股價的輪引申波幅越低

秘技一之應用例子一:
就以恒指輪為例, 有時恒指突然間大起大落, 就會有人提出買輪, 賺方向又賺波幅
咁點樣知道窩輪引申波幅未升夠呢? 原來你只要查一下你的心水窩輪,
例如心水恒指輪的引申波幅為35%, 咁即係點呢?
首先我地計下數 35% 除 15.8 = 2.215% 或者是恒指的645點
換言之, 如果你覺得後市每日上落平均超過645點, 可以話你隻心水輪對你來說有機會賺波幅

秘技一之應用例子二:
有時新股無來都會有窩輪, 咁無可能輪商話引申波幅你幾多你都信
所以你可以用秘技, 先自己估計正股每日上落有幾大
你假設 / 你有數據係手計到新股每日上落平均有4%, 咁引申波幅係幾多先吸引呢?
咁當然將 4% 乘 15.8 咁就自然計到要低過63.2% 才吸引

秘技一的好處是將無法觸摸的引申波幅形象化!

秘技二: 除左行使價外, 假如任何其他窩輪條款相等 / 相似, 行使價越貼近正股價的輪引申波幅越低
當你投資策略需要優先考慮引申波幅的話, 這秘技會為你帶來方便

秘技二之應用例子一:
係咩時候會優先考慮引申波幅呢? 例如你e+成手貨, 你想買一隻期權 / 窩輪 (而不是用窩輪組合) 對沖你的投資風險, 咁點選擇最有利呢??
因為你有貨對沖期權的上落 (更學術的說是delta, 不明可以不理) 重點就變左選咩行使價最好
因為貼價期權的引申波幅最低, 所以貼價期權自然成為首選

秘技二之應用例子二:
其實這秘技可以解釋點解價外輪買中方向時個引申波幅會縮, 但我不是在這裏幫輪商說好話, 輪商好多時都用不同手段令投資者損失.
但其實這是其中一個關鍵原因為何價外輪買中方向時個引申波幅會縮
如果留意多些, 你會發覺價內輪買中方向時引申波幅會繼續上升

希望幫到各位!^^